LDK-ja kërkon të formojë front opozitar të qëndrueshëm

Kryesia e Lidhjes Demokratike të Kosovës është mbledhur për të diskutuar edhe një herë mocionin e mosbesimit ndaj Qeverisë së Kosovës.
Në takimin e mesditës është diskutuar edhe për procesin e zgjedhjeve të brendshme në këtë subjekt politik, përcjell albinfo.ch.
Lidhja Demokratike e Kosovës është e përkushtuar që të ndërtojë një front opozitar të qëndrueshëm, që do të rezultojë me rrëzimin e koalicionit PAN.
Kreu i LDK-së, Isa Mustafa, ka pasur takime të ndara edhe me dy liderët e partive opozitare, Lëvizja Vetëvendosje dhe PSD-në.
Madje, ata kanë harmonizuar edhe tekstin e mocionit dhe kanë shprehur gatishmërinë për t’i bashkuar votat për rrëzimin e qeverisë.
Por, votat e LDK-së, të PSD-së dhe Vetëvendosjes nuk mjaftojnë për rrëzimin e Qeverisë, dhe rrjedhimisht, opozita duhet të kërkojë partnerë të tjerë për të arritur finalizimin e nismës që ka ndërmarrë.