I kërkuari nga INTERPOL-i, vdes në QKUK

Ramiz Bordoniqi nga Komuna e Gjakovës, 82 vjeçar ka ndërruar jetë sot në Klinikën e Neurologjisë së SHSKUK-së, ku po qëndronte në paraburgim.

I njëjti ishte i kërkuar nga SHBA-ja nën dyshimet për prostitucion, blerje, posedim, shpërndarje apo shitje e paautorizuar e narkotikëve, substancave psikotrope dhe analoge.

Bordoniqi po kërkohej nga INTERPOL-i nën dyshimet se në tre vjet të qëndrimit të tij ilegal i kishte kryer këto veprimtari.

Lajmin për vdekjen e tij e ka bërë të ditur përmes një njoftimi SHSKUK.

“Në Kliniken e Neurologjisë të SHSKUK-së vdes një i paraburgosur në Prishtinë, më 02 korrik 2019 – Shërbimi Korrektues i Kosovës, njofton opinionin publik se sot në Kliniken e Neurologjisë të SHSKUK-së rreth orës 13 : 54  ka ndërruar jetë i paraburgosuri, me inicialet R. B., i lindur më 1937. R. B, me rekomandim të mjekut të Q.K. Dubravë më 30 qershor rreth orës 23:00 është udhëzuar të dërgohet në Spitalin Rajonal të Pejës, dhe nga aty për shkak të gjendje jo të mirë shëndetësore është dërguar në Kliniken e Neurologjisë të SHSKUK-së, ku si pasojë e komplikimeve shëndetësore ka ndërruar jetë”, thuhet në njoftim, derisa u bë e ditur edhe diagzona e të njejtit.

“I njëjti po vuante nga Hypotensio Arteriales, Diabet Mellitus tip 2 dhe Bronchitis. R. B, akuzohej për veprën penale: keqpërdorime seksual”, thuhet tutje në njoftim.

---