Ekspertë të BE-së kundër terrorizmit, vizitojnë Policinë e Kosovës

Foto: Kosovo Police (Fb)

Sot në Policinë e Kosovës ka qëndruar një delegacion ekspertësh të BE-së kundër terrorizmit, të cilët u pritën nga drejtori i përgjithshëm i Policisë së Kosovës, z. Rashit Qalaj, me bashkëpunëtorë të tij.

Siç ka njoftuar PK, tema të diskutimit me ekspertët e BE-së ishin identifikimi i nevojave, si dhe të përpunohen bashkërisht veprimet prioritare të bëra për Kosovën në luftën kundër terrorizmit, parandalimin dhe luftimin e ekstremizmit të dhunshëm, si dhe kushtet për zbatimin e tyre dhe mundësitë për mbështetjen nga BE-ja për veprimet prioritare.

“Ekspertët nga BE-ja shprehën vlerësimin e lartë për përkushtimin dhe përkrahjen e Kosovës në hartimin e Planit të Përbashkët të Veprimit kundër terrorizmit për Ballkanin Perëndimor, ku angazhimi dhe bashkëpunimi i Kosovës në këtë fushë të rëndësishme u mirëprit edhe nga shtetet anëtare të BE-së”, thuhet në njoftim, përcjell albinfo.ch.