Ndahen mbi dy milionë euro për Komunën e Gjilanit

Foto: MKRS

Dy projekte në fushën e sportit, në vlerë prej rreth dy milionë euro, pritet të realizohen në komunën e Gjilanit.

Kështu kanë njoftuar nga Ministria e Kulturës, Rinisë dhe Sportit, pas takimit mes ministrit Kujtim Gashi dhe kryetarit të Komunës së Gjilanit, Lutfi Haziri. Ata kanë nënshkruar dy memorandume bashkëpunimi në fushën e sportit, renovimi i Stadiumit të Qytetit në Gjilanit dhe projekti për Palestrën sportive në Zhegër të Gjilanit.

“Renovimi i Stadiumit të Qytetit në Gjilanit është projekt në të cilin MKRS-ja do të investojë mjete financiare në vlerë prej 1 milion e 950 mijë euro. Ky projekt do të implementohet gjatë viteve 2019 deri më 2021. Ndërkaq, për projektin Palestra sportive në Zhegër të Gjilanit, Ministria e Kulturës, Rinisë dhe Sportit do të investojë rreth 650 mijë euro dhe projekti pritet të realizohet gjatë dy vjetëve 2019 e 2020”, thuhet në njoftimin e MKRS-së.