Zvicër: Aksident i rëndë në A1, dy të vdekur, katër të lënduar

Në orët e mbrëmjes së sotme nga një aksident në autostradën A1 në Zvicër dy persona kanë vdekur dhe katër të tjerë janë lënduar.

Kjo si pasojë e një aksidenti mes dy veturave.

Gazeta 20 minuta ka raportuar se një veturë ishte ndaluar buzë rrugës, ndërsa vetura tjetër ishte përplasur me të.

Njëra nga veturat, sipas raportimit, ka qenë automjet ish-ushtarak i rikthyer në automjet civil.

Dy gra kanë vdekur në aksident, ndërsa katër të tjerë janë lënduar.

Viktimat ishin në një makinë me targa të Francës.

Identiteti i personave të vdekur nuk dihet ende. Në lidhje me këtë aksident kanë dalë në vendin e ngjarjes edhe shërbimi i shpëtimit dhe departamenti lokal i zjarrit.

Edhe dy helikopterë shpëtimi ishin në përdorim.