Rekord: Zviceranët kalojnë 5.5 miliardë kilometra mbi shina

Arsyeja kryesore për një zhvillim të tillë është oferta e zgjeruar e SBB-së për bileta me ulje çmimi (Biletat kursyese)

Njerëzit në Zvicër gjatë tremujorit të tretë të vitit 2019 kanë shënuar rekord sa i përket shfrytëzimit të komunikacionit hekurudhor. Asnjëherë deri tash ata nuk kanë kaluar më shumë kilometra me tren sa në këtë tremujor, njofton srf.ch.

Gjithsej nga zviceranët gatë periudhës së përmendur janë kaluar agfër 5.5 miliardë kilometra mbi shina, transmeton albinf.ch. Këtë njoftim e kanë dhënë shërbimi për informim i transportit publik Litra dhe Federata e Transportit Publik (VüV). Kjo është 7.6 për qind më shumë se në tremujorin e tretë të një viti më parë.

Arsyeja kryesore për një zhvillim të tillë është oferta e zgjeruar e SBB-së për bileta me ulje çmimi (Biletat kursyese). Veç kësaj bëhet fjalë, edhe për një rritje normale solide të shfrytëzimit të trenit nga qytetarët.

Por ndryshon puna me transportin hekurudhor të mallrave. Ai ka stagnuar dukshëm në krahasim me tremujorin e tretë të vitit të kaluar.

Zvicra prin bindshëm në çdo ranglistë sa i përket shfrytëzimit të komunikacionit hekurudhor në Evropë. Sikur sa i përket numrit të kilometarve të kaluara mbi shina nga zvicerani mesatar, ashtu dhe sa i përket rrjetit të dendur hekurudhor, shkruan albinfo.ch. Në nivel botëror, kreun e mban krahas Japonisë. Kështu, përderisa japonezët bëjnë më shumë udhëtime me tren për kokë banori, zviceranët kalojnë më shumë kilometra me tren.

---