Hapet parku Inovativ në Prizren për qytetarët e prekur nga tërmeti

Duket se Qeveria e Kosovës ka vendosur të hapë Parkun Inovativ Trajnues në Prizren, në dispozicion për banorët e prekur nga tërmeti në Shqipëri.

Vendimi është bërë i ditur nga kryeministri në detyrë i Kosovës, Ramush Haradinaj.

Thuhet se Parku Inovativ Trajnues në Prizren, do të jetë në dispozicion si strehë e përkohshme e të gjithë atyre që kanë pësuar nga tërmeti tragjik që goditi Shqipërinë.

Po ashtu, së bashku me Ambasadën Gjermane në Prishtinë, zyrën e GIZ-it në Kosovë dhe Komunën e Prizrenit, kemi nisur përgatitjet e nevojshme për pranim-strehim, kujdes shëndetësor dhe ushqimor në Parkun Inovativ dhe Trajnues.

Gjithashtu, deri në 800 shtretër dhe hapësira akomoduese do të jenë në dispozicion për banorët që kanë pësuar nga kjo tragjedi, përcjell albinfo.ch.