Ballkani në alarm, ndotja e ajrit ua vështirëson jetën qytetarëve

Problemi i ndotjes së ajrit po vazhdon të jetë i njëjtë në gjithë Balkanin

Në qytetet e mëdha në vendet e Ballkanit qytetarët po përballen me problemet nga smogu dhe ajri i ndotur

Në ditën e djeshme në Beograd pas dhjetë ditësh, më në fund u shpërbë mjegulla e dendur. Mjegulla e krijuar prej të ftohtit dhe lagështirës, ishte përzierë me ajrin e ndotur prej ngrohjes, makinave dhe centraleve të energjetikës.

Nisma qytetare “Të mos mbytet Beogradi” kritikoi qendrimin e qeverisë ndaj këtij problemi dhe bëri thirrje të premten për një protestë. Presidenti i Serbisë, Aleksandar Vuçiq, deklaroi: “Problemi ekziston, por ekziston edhe një fushatë që ndonjëherë është groteske”.

Edhe qytete të tjera të mëdha në Ballkan kanë probleme me ajrin e ndotur, kryesisht metropolet në situata gjeografike në lugina si p.sh. Sarajeva në Bosnjë e Hercegovinë apo Shkupi në Maqedoninë e Veriut.

Vitin e kaluar programi i OKB-së për mjedisin Unep hulumtoi ndotjen e ajrit në 19 qytete të Ballkanit.

Sipas raportit, ndotja e ajrit në qytetet e verifikuara shkakton çdo vit 500 raste vdekjesh të parakohshme.

Shkaktari kryesor janë emisionet e centraleve të energjetikës dhe sistemet e ngrohjes. Megjithatë, vlerat e grimcave të ajrit në stacionet matëse nuk janë ulur.

Problemi i ndotjes së ajrit po vazhdon të jetë i njëjtë edhe në Prishtinë nga viti në vit.

Edhe pse viteve të kaluara ka pasur raportime të shumta, madje edhe protesta për ndotjen e ajrit, akoma nuk është ndërmarrë asgjë për ta rregulluar këtë problem.

Kujtojmë se jo rrallëherë Prishtina u radhit si qyteti i parë në botë me ndotjen më të madhe.

---