Trajneri i Moldavisë: Kosovën e shoh favorite në grup

Trajneri i Moldavisë, Engin Firat befason me deklaratën për Kosovën pas shortit në Ligën e Kombeve

Trajneri i Moldavisë, Engin Firat i ka thënë dy fjalë për shortin e Ligës së Kombeve që u mbajt sot në Amsterdam.

Tekniku, Engin Firat tha se do të jetë një grup i vështirë dhe se Kosovën e sheh si favorit të saj, por nuk harroj të përmend edhe dy kombëtaret e tjera si Sllovenin dhe Greqinë që janë në nivel të lartë.

“Është grupi më i fortë, të gjitha ndeshjet do të jenë të forta. Nëse ka një favorit, atëherë do të jetë Kosova që ka luajtur mirë kohët e fundit. Por edhe Greqia e Sllovenia janë kundërshtarë të fortë.

Ndërkaq, ai shkon më tutje ku tha se Kombëtarja e Kosovës dhe ajo e Moldavisë nuk mund të luajnë me njëra-tjetrën, pasi kanë probleme politike.

“Kemi probleme politike me Kosovën. Ne nuk mund të luajmë në Kosovë e Kosova nuk mund të luajë në Moldavi. Së pari duhet të zgjedhim këtë problem e më pas të mendojmë për ndeshjet. Por besoj që do të gjendet një zgjidhje”, ka thënë Firat, përcjell albinfo.ch.

---