Vjosa Osmani, kundër rrëzimit të Qeverisë

Ajo u ka bërë thirrje edhe të tjerëve që të mos votojnë pro rrëzimit të Qeverisë

Kryetarja e Kuvendit të Kosovës, Vjosa Osmani, është shprehur kundër mocionit për rrëzimin e Qeverisë, përcjell albinfo.ch.

Osmani bëri thirrje që deputetët të mos e votojnë mocionin ditën e nesërme.

“Natyrisht unë e kam shprehur qëndrimin tim kundër mocionit, për shkak se kam besuar se që nga 6 tetori e vetmja mënyrë që vendit tonë t’i sigurojmë Qeveri me legjitimitet, Qeveri që ka të përfshirë njerëz që nuk janë të korruptuar dhe e luftojnë krimin. Kam besuar dhe punuar për një Qeveri të tillë, por përkundër të gjithave mendoj që partnerët e koalicionit kanë pasur hapësirë të gjejnë zgjidhje. Absolutisht nuk e përkrah mocionin dhe natyrisht u bëj thirrjeve deputetëve të mos e votojnë këtë mocion”, tha ajo para mediave.

Seanca për rrëzimin e Qeverisë do të mbahet nesër, në orën 11:00.

---