Zvicër: 98 raste të reja, dyfish më shumë të infektuar se një ditë më parë

Siç bën të ditur BAG, gjatë 24 orëve të fundit në Zvicër dhe Lihtenshtajn janë regjistruar 98 raste të reja pozitive me koronaviru

Pas një periudhe prej disa javësh të rënies së madhe të numrit të infeksioneve të reja në Zvicër, rezultatet e laboratorëve që janë publikuar sot japin shkak për shqetësim, shkruan albinfo.ch.

Siç bën të ditur Zyra Federale e Shëndetit Publik (BAG) gjatë 24 orëve të fundit në Zvicër dhe Lihtenshtajn janë regjistruar 98 raste të reja pozitive me koronavirus. Dhe kjo shifër është pothuajse dyfish më e madhe se ajo e regjistruar të premten (51), shkruan sda.

Po ashtu edhe shifrat e të premtes dhe të enjtes ishin pak më të larta se ato të regjistruara në ditët pararendëse, kur ato silleshin në mes 28 dhe 36.

Marrë në përgjithësi deri më tani nga Covid-19 janë infektuar 30.612 banorë rë Zvicrës.

---