Gjendet trupi i pajetë i shqiptarit Arsim Zendeli në Detroit

Ai ishte i zhdukur që nga 7 prilli.

Djali 24-vjeçar i familjes Zendeli që jetonte në Grosse Ile- Detroit, Arsim Zendeli, është gjetur pa shenja jete nga një peshkatar rreth orës 13:00 më 16 maj, shkruajnë mediat ndërkombëtare, përcjell albinfo.ch.

Sipas informacioneve të siguruara nga policia, Departamenti i Zjarrit iu përgjigj një thirrje në zonën e lumit Detroit pranë ishullit Celeron për të rikuperuar një trup. Ishulli Celeron ndodhet në lumin Detroit, pranë majës jug-perëndimore të Grosse Ile, midis Gjirit të Gjibraltarit dhe Liqenit Erie.

Zbulimi dhe konfirmimi i jep fund kërkimeve masive dhe një hetimi të vazhdueshëm për vendndodhjen e Zendelit që u zhdukë më 7 prill.

Prindërit e tij, Bashkim dhe Bashkime Zendeli, kishin shpresuar se djali i tyre, për të cilin thanë se vuante nga sëmundja mendore, thjesht ishte i humbur dhe se do të rikthehej në shtëpi.

E ëma, Bashkime Zendeli, tha se çdo ditë ishte torturë për familjen e saj.

Menjëherë pasi Zendeli u zhduk, kërkimi i vijës bregdetare përgjatë lumit Detroit u krye  në tokë dhe përmes helikopterit .

Zona gjithashtu u kontrollua, duke përdorur një njësi detare me pajisje të skanimit anësor dhe pajisje fotografike kamerash.

Një kërkim që përfshinte një oficer të K-9 ishte gjithashtu pjesë e përpjekjes.

Mbështetja e këtyre njësive  kishte qenë ngushëlluese për familjen, tha Bashkime Zendeli në fillim të këtij muaji. /albinfo.ch

---