Pasagjerët të paguajnë një taksë CO2 për biletat e aeroplanit

Foto ilustrim (Keystone)

Parlamenti zviceran ka vendosur një taksë mjedisore për biletat e linjës ajrore, si pjesë e përpjekjeve për të zvogëluar emetimet e gazrave sere.

Shumica dërrmuese në Dhomën e Përfaqësuesve të Mërkurën miratoi një propozim për një taksë midis CHF30 dhe CHF120 (32 dhe 126 $) për biletën për fluturimet që nisen nga Zvicra, shkruajnë mediat zvicerane, përcjell albinfo.ch.

Taksa pritet të gjenerojë të ardhura prej rreth 500 000 CHF në vit. Gjysma e kësaj shume do të kthehet për qytetarët zviceranë, sipas një ndryshimi ligjor në diskutim në parlament.

Shumica e partive e mbështetën propozimin, duke argumentuar se kjo mund të ndihmojë në zvogëlimin e udhëtimit ajror, ndërsa Partia e Zvicrës e krahut të djathtë unanimisht doli kundër tij, duke thënë se linjat ajrore do të duhet të përballojnë shpenzimet.

Ministrja e Mjedisit, Simonetta Sommaruga argumentoi se ishte në interesin e Zvicrës që të bashkohej me vendet e tjera evropiane për të marrë një shtesë mjedisore. Ajo tha se të gjithë sektorët e transportit duhet të kontribuojnë në luftën kundër ndryshimit të klimës, përcjell tutje albinfo.ch.

Në një reagim të parë, organizatat mjedisore mirëpritën vendimin e parlamentit, por kërkuan taksa më të larta.

Ndryshimi ligjor përfshin gjithashtu një taksë mbi importet e karburantit, si dhe krijimin e një fondi klimatik.

Numri i udhëtarëve zviceranë është rritur ndjeshëm gjatë dekadës së kaluar, sipas shifrave zyrtare, përcjell tutje albinfo.ch.