Ambasada e SHBA-së në Kosovë ka një porosi për qytetarët amerikanë që do të shkojnë në Kosovë

Iu rikujtojn atyre që mendojnë të udhëtojnë drejt Kosovës të posedojnë testin negativ

Ambasada amerikane në Kosovë ka njoftuar qytetarët e saj për hapjen e Aeroportit Ndërkombëtar të Prishtinës të hënën e 28 qershorit.Në një postim në Facebook, ambasada ka rikujtuar qytetarët amerikanë se rekomandohet që pasagjerët që arrijnë në ANP “Adem Jashari” të kenë testin negativ për Covid-19.

“Rikujtim për qytetarët amerikanë: Qeveria e Republikës së Kosovës është duke rihapur Aeroportit Ndërkombëtar të Prishtinës, më 28 qershor, me masa të shtuara për siguri dhe shëndet.

Autoritetet rekomandojnë që pasagjerët që arrijnë( jo ata që nisen) të kenë testin negativ RT-PCR jo më të vjetër se katër ditë, por kjo nuk është e obligueshme. Kontaktoni Aeroportin Ndërkombëtar të Prishtinës-Adem Jashari, linjat e udhëtimeve, ose agjentët e udhëtimeve për informacionet e fluturimeve”, thuhet në njoftimin e ambasadës amerikane.

---