Kosova shënon rënie të të prekurve me Covid

Kosova rënje të të prekurve, të dhënat e fundit

Kosova ka 2.706 raste aktive me koronavirus.

Që nga 13 marsi, kur edhe u shënuan rastet e para me Covid-19 në Kosovë, janë shënuar 5.369 raste me këtë virus, ndërsa janë testuar 29.546 persona gjithsej, transmeton albinfo.ch.

Nga të prekurit, 118 persona kanë humbur jetën dhe 2.545 persona janë shëruar, ndërsa aktive janë 2.706 raste.

“Numri total i rasteve pozitive është 5.369 raste nga 29.546 persona të dyshimtë në virusin SARS-CoV-2, me gjithsej 118 raste të vdekjes, të cilët kanë pasur sëmundje të tjera shoqëruese. Deri më sot janë shëruar 2.545 raste, kurse numri i rasteve aktive është 2.706”, thuhet në raportin e fundit të IKSHPK-së.

Duhet theksuar se ditëve të fundit, Kosova ka rënie të të prekurve me Covid, per dallim nga java e kaluar që ishin deri ne 230 raste në ditë. Kjo javë ka shënuar ulje mes 100 deri në 132 të prekur. /Albinfo.ch

---