Vdes edhe një kosovar nga COVID-19

(AP Photo/Luca Bruno)

Vetëm sot kanë vdekur tre qytetarë të Gjilanit të prekur me COVID-19. I fundit është një 46-vjeçar, i cili ishte i shtrirë në spitalin e qytetit.

Gjilani ka përjetuar sot një nga ditët më të rënda që kur ka filluar sëmundja Covid, meqë sapo është njoftuar për viktimën e tretë.

Lajmin e ka konfirmuar për mediafokus dr. Ukshin Ismajli, drejtor klinik në Spitalin e Gjilanit, i cili ka thënë se bëhet fjalë për një pacient me inicialet A.Z. (1974).

Pacienti ishte shtrirë mbrëmë në spital, por nuk ka mundur ta fitojë betejën me Covid dhe sot ka ndërruar jetë. Sot në komunën e Gjilanit kanë vdekur edhe dy persona të tjerë të infektuar nga Covid-19. Njëri nga ta prokuror në Prokurorinë Themelore në Gjilan. Deri tash kanë vdekur më shumë se 130 persona nga COVID-19, janë prekur më shumë se 5 mijë e 500, derisa janë shëruar 2640.