Kamer Zymberi kandidon për Këshillin e përgjithshëm në Martigny

Ai ka vendosur të kandidojë në këtë komunë, që është në kantonin Valais të Zvicrës

Shqiptarët në diasporë vazhdojnë të jenë të suksesshëm në fusha të ndryshme, si në sport, kulturë, shëndetësi, politikë etj.

Edhe në Zvicër është numri i madh i shqiptarëve që janë mirë të integruar në shoqërinë zvicerane.

Kamer Zymberi nga Gjilani, i cili jeton në Zvicër, ka vendosur të kandidojë për Këshillin e përgjithshëm në Martigny, shkruan albinfo.ch.

“Në zgjedhjet e ardhshme komunale jam kandidat për këshilltar në Këshillin e përgjithshëm në komunën e Martigny. Gjithashtu javën e kaluar si zëvndësues i njërit nga këshilltarët të përgjithshëm, i cili ka vendosur ta braktis këtë funksion, jam emëruar këshilltar i përgjithshem për këtë mandat. Me këtë rast dëshiroj të falënderoj siqerisht PLR dhe kryesinë e saj për besimin e dhënë”, ka shkruar ai në Facebook, duke shtuar:

“Po, me kënaqësinë më të madhe dhe me krenari kam vendosur të angazhohem edhe më shumë me qëllim që të jap kontributin tim në qytetit e zemrës, i cili më mirërpriti para 11 vjetëve.

Nuk është rastësi që kam vendosur të vazhdoj me PLR, e kam zgjedhur këtë parti, sepse besoj në programin e saj, në angazhimin e pafund në shërbim të qytetarëve të saj dhe në vlerat e saja.

Fushata se ka filluar dhe shpresoj ta takoj çdonjërin dhe çdonjërën nga ju, për një moment rasti rreth një gote”.

---