Pasqyra e COVID-19 në Kosovë, Shqipëri dhe Maqedoni

Tirana International Airport

Janë bërë shtatë muaj prej kur në Kosovë janë paraqitur rastet e para me virusin COVID-19. Nga ajo kohë e deri më sot janë testuar gjithsej 79 mijë e 185 mostra të dyshimta, nga të cilat 16 mijë e 754 kanë rezultuar pozitive.

16 mijë e 754 të infektuar, nga ta 14 mijë e 617 të shëruar, 652 të vdekur dhe 1 mijë e 485 raste aktive, është bilanci i COVID-19 në Kosovë për shtatë muaj.

Raste ditore: në 24 orët e fundit, Kosova ka regjistruar 148 raste pozitive, ndërkaq 56 persona janë shëruar.

Nga ana tjetër, Shqipëria ka regjistruar një rekord rastesh të reja me Covid-19, por një trend rënës krahasuar me një ditë më parë.

Nga të dhënat e fundit të Ministrisë së Shëndetësisë raportohet për 273 raste të reja në 1289 testime të kryera, gjithsej ka 16,774 të prekur që nga fillimi i pandemisë.

Ndërkohë, Maqedonia e Veriut ka regjistruar të shtunën 594 raste të reja të Covid-19 në 2,617 teste të kryera. Ndërkohë tre pacientë kanë humbur betejën me virusin në 24 orët e fundit dhe 162 të tjerë janë shëruar.

Numri i përgjithshëm i të diagnostikuarve në vend që nga fillimi i epidemisë është 23.201. /Albinfo.ch