Bebe Rexha: Mezi pres të udhëtoj drejt Shqipërisë

Keystone EPA/GUILLAUME HORCAJUELO

Këngëtarja me famë botërore, Bebe Rexha, ka treguar gjithmonë se, edhe pse larg Shqipërisë, nuk i harron kurrë rrënjët e saj, transmeton albinfo.ch.

Ndër të tjera, Bebe ka pohuar gjithmonë se ajo dëshiron të vizitojë Shqipërinë sa herë të mundet.

Dhe, me sa duket, situata pandemike e ka mërzitur paksa yllin me famë botërore, pasi udhëtimet janë mjaft të vështira në këtë periudhë.

Me anë të një Story në Instagram, ajo postoi një video satirike, e cila tregon një udhëtar që mezi pret të udhëtojë dhe shkruan:  “Unë në fluturimin e parë për në Shqipëri, pasi gjithë ky dreq të ketë përfunduar”.

Me këtë, Bebe tregoi se mezi pret që karantina të përfundojë dhe, sapo t’i jepet mundësia, do të kthehet edhe një herë në Shqipëri për të vizituar bashkëkombësit e saj.