Zyra e imigracionit: Kujdes nga postat elektronike që “ofrojnë punë në Zvicër”

Dërguesit kërkojnë pagesa nga 300 deri në 1.000 euro për një leje pune në Zvicër dhe për sigurimin shëndetësor dhe atë nga aksidentet

Gjithnjë e më shumë të huaj po marrin email që duket se janë dërguar nga “Imigracioni Zviceran”, shkruan Sekretariati Shtetëror i Migracionit (SEM) në faqen e tij të internetit, transmeton albinfo.ch.

Në shumicën e rasteve, ofrohet një punë fiktive në sektorin e hotelerisë, e ndjekur nga e-mail mashtrues që vijnë nga swissimmigration@consultant.com, Swissimmigration.center@gmx.com, Suisse-immigration@protonmail.ch dhe eu_immigration@swissmail.com.

Dërguesit kërkojnë pagesa nga 300 deri në 1.000 euro për një leje pune në Zvicër dhe për sigurimin shëndetësor dhe atë nga aksidentet. Këto e-mail nuk vijnë nga SEM, thonë autoritetet, dhe duhet të konsiderohen si një përpjekje për të zhvatur para, prandaj duhet të injorohen.

---