Shqipëri: Falsifikohen testet anti-Covid, arrestohen 10 persona

Dhjetë persona janë proceduar në gjendje të lirë nga Policia Kufitare në Rinas, pasi po tentonin të kalonin kufirin me teste të falsifikuara të COVID-19.

Policia thekson se shtetasit, të cilët u proceduan për veprën “falsifikim dokumentesh dhe vulash”, janë nga qyteti i Shkodrës.

“Gjatë kontrolleve janë evidentuar dhe goditur disa raste të tentativës për të kaluar kufirin me test të falsifikuar të COVID-19 dhe si rezultat janë proceduar penalisht në gjendje të lirë, për veprën penale “Falsifikimi i formularëve, i vulave ose i stampave”, shtetasit: G. P., L. P., A. D., F. D., S. Th., E. Th., B. A., A. A., M. N. dhe S. Sh., të gjithë banues në Shkodër”, sqaron Policia.

Autoritetet ligjzbatuese kanë nisur punën për identifikimin dhe kapjen e personave, të cilët janë përfshirë në këtë skemë të falsifikimit të testeve për COVID-19.