Rama: Presidenti Meta duhet të shkarkohet

Kryeministri i Shqipërisë, Edi Rama, ka deklaruar se presidenti Ilir Meta duhet të shkarkohet, duke e quajtur personazh grotesk “që e turpëron Shqipërinë, shoqërinë shqiptare dhe çdo qytetar normal”.

Rama ka thënë se shkarkimi i Metës nuk është në dorën e partisë fituese, PS-së mirëpo thotë se do bëjnë gjithçka që kanë në dorë.

“Dua ta bëj të qartë se ky shkarkim nuk ka lidhje me asnjë motiv tjetër përveç pozicionimit tonë publik në anën dërrmuese të shqiptarëve. Është shumë herët për të folur për zëvendësuesin, por në çdo rast, qoftë para apo në kohë, në varësi se si do të shkojë procesi ne do të konsultohemi me PD për emrin e Presidentit të ri”, ka thënë ai.

“Me Ilir Metën dhe partinë e tij nuk ka dhe nuk duhet të ketë asnjë bashkëpunim. Meta duhet të shkarkohet nga detyra, si një personifikim i anti-shtetit, i ndëshkuar nga populli shqiptar në 25 prill. Një personazh grotesk që e turpëron Shqipërinë, shoqërinë shqiptare dhe çdo qytetar normal të këtij shteti me praninë e tij në krye të shtetit”.