Industria farmaceutike zvicerane, e alarmuar për ndërprerjen e negociatave me BE-në

Ndërprerja e bisedimeve është një goditje për degën farmaceutike zvicerane dhe kërkimet e tyre

Shoqata e kompanive farmaceutike zvicerane, e cila përfshin gjigantë të tillë, si Roche dhe Novartis, po i bën thirrje Këshillit Federal të rinisë negociatat me Brukselin, transmeton albinfo.ch.

Ndalja e bisedimeve është një goditje për degën farmaceutike zvicerane dhe kërkimet e lidhura me të, shkroi shoqata e industrisë Interpharma në një letër të hapur për qeverinë federale, botuar dje nga Neue Zürcher Zeitung.

Konkurrenca dhe fuqia e sektorit zviceran të farmaceutikës dhe kërkimit “janë të lidhura me vendosmëri” me BE-në, partneri i saj kryesor tregtar, ku industria eksporton 46 për qind të produkteve të saj, thuhet në letër. /Albinfo.ch

---