Në Zvicër kërkohet memorial për viktimat e nazizmit

Këshilli i Shteteve pranoi një mocion, duke i bërë thirrje Këshillit Federal për të krijuar një vend zyrtar përkujtimi për viktimat naziste, transmeton albinfo.ch.

“Kujtimi i krimeve të nazizmit dhe i gjashtë milionë hebrenjve të vrarë, por edhe i të gjitha viktimave të tjera, duhet të mbahet gjallë në kujtime”, tha ministri i Punëve të Jashtme, Ignazio Cassis, shkruan The local.

“Ndërsa koha kalon, njohuritë për Nacional-Socializmin dhe Holokaustin avullojnë. Kjo është e rrezikshme, sepse disa nuk duan të dinë asgjë për ngjarjet e asaj kohe. Të tjerët relativizojnë ose mohojnë tmerret e nazizmit dhe efektet e tmerrshme të totalitarizmit”, vuri në dukje ai.

Ministria e Jashtme së shpejti do t’i paraqesë Këshillit Federal mundësi të ndryshme për realizimin e një memoriali, tha Cassis. /Albinfo.ch