I zgjatet vlefshmëria për një vit certifikatës së vaksinimit në Zvicër

Në Zvicër certifikatat e vaksinimit janë të vlefshme për të paktën një vit

Këshilli Federal ka zgjatur periudhën e vlefshmërisë së vaksinave ‘mARN’ (Pfizer / BioNTech dhe Moderna) nga gjashtë në 12 muaj për personat plotësisht të vaksinuar, pas rekomandimit të Komisionit Federal për Vaksinimet, transmeton albinfo.ch.

Njerëzit që kanë marrë dy dozat e vaksinës të njërës prej këtyre dy llojeve do të përjashtohen për 12 muaj nga karantinimi në rast të një kontakti me një person të infektuar ose kur të kthehen nga një zonë e rrezikshme.

Sidoqoftë, në përputhje me kërkesat e BE-së për certifikatën Covid, ata që u shëruan nga koronavirusi mbeten të përjashtuar nga karantina për vetëm gjashtë muaj.

Autoritetet gjithashtu kanë zgjatur periudhën e vlefshmërisë së testeve të antigjenit nga 24 në 48 orë. /Albinfo.ch

---