Zvicër, shfaqjet e cirkut popullor kombëtar në shumë kantone

Një certifikatë Covid kërkohet për të shkuar në cirkun “Knie”

Si çdo vit, (përveç në vitin 2020), shfaqja e parë e cirkut popullor kombëtar do të zhvillohet në Rapperswil (SG) në 29 korrik, transmeton albinfo.ch.

Sidoqoftë, këtë vit, hyrja në cirk do të jetë e hapur për vizitorët që kanë me vete një certifikatë Covid, pavarësisht nëse ata janë të vaksinuar, testuar, ose janë shëruar nga sëmundja.

Pas Rapperswill, cirku do të vendoset në Bernë nga 4 deri më 22 gusht, në Gjenevë nga 27 gusht deri më 19 shtator, në Lozanë nga 22 shtator deri më 10 tetor dhe në Cyrih nga 15 tetor deri në 8 nëntor. /Albinfo.ch

---