Mos udhëtoni me tren për në Gjermani deri të premten

Tren Page Pixabay pasja1000

Hekurudhat Federale Zvicerane (SBB) këshillojnë udhëtarët nga Zvicra të mos udhëtojnë në Gjermani deri më 13 gusht, pasi shumë lidhje janë pezulluar për shkak të një greve masive nga shoferët e trenave të Deutsche Bahn (DB), transmeton albinfo.ch.

E vetmja lidhje hekurudhore që mbetet në shërbim është linja Cyrih-Bazel-Hamburg.

Zëdhënësja e SBB-së, Ottavia Masserini, tha se situata aktuale është “shumë e paqëndrueshme”.

Udhëtarët që dëshirojnë të shtyjnë udhëtimin e tyre për shkak të grevës mund të përdorin biletën e tyre tashmë të blerë në një ditë tjetër, ose ta anulojnë atë falas deri të premten, më 20 gusht. Rezervimet e vendeve gjithashtu mund të ndryshohen pa pagesë. /Albinfo.ch