Sindikatat e mësuesve zviceranë kërkojnë masa shëndetësore në shkolla

(KEYSTONE/Alexandra Wey)

Ndërsa viti shkollor tashmë ka filluar në disa kantone dhe së shpejti do të fillojë edhe në rajone të tjera, shoqatat e mësuesve po u kërkojnë autoriteteve të ndërmarrin hapat e nevojshëm për të parandaluar përhapjen e virusit mes nxënësve dhe mësuesve, transmeton albinfo.ch.

Ndër masat e kërkuara janë sistemet e pastrimit të ajrit në klasa, si dhe sensorë, të cilët monitorojnë nivelin e dioksidit të karbonit.

Përveç kësaj, është e nevojshme të trajnohen zyrtarë të mbrojtjes shëndetësore, të cilët mund të ndërmarrin veprimet e duhura kur është e nevojshme, thonë shoqatat. /Albinfo.ch