Popullsia e Zvicrës ka mundësinë të zgjedhë identifikimin dixhital

Banorët do të mund të zgjedhin formën e identitetit elektronik të ardhshëm (e-ID)

Tani e tutje deri më 14 tetor, popullsia e Zvicrës ka një mundësi për të zgjedhur identifikimin dixhital nga tri mundësitë e ofruara nga qeveria, përcjell albinfo.ch.

Zgjidhja e parë konsiston në “identitetin e vetëmenaxhuar”, ku përdoruesi ka gjithë kontrollin dhe sigurohet mbrojtja e të dhënave.

E dyta bazohet në një infrastrukturë të çelësit publik. Sistemi është përdorur tashmë nga qeveria për të siguruar të dhënat e pasaportave të pajisura me një çip. Të dhënat janë të decentralizuara, por duhet të transmetohen në tërësi. Përveç qeverisë, kompanitë private nga një grup i kontrolluar gjithashtu mund të lëshojnë e-ID.

Mundësia e fundit përfshin një ofrues të identitetit shtetëror. Në vend të disa ofruesve të identitetit, publik apo privat, vetëm qeveria do të ishte përgjegjëse. /Albinfo.ch

 

 

 

---