Edhe universitetet e tjera në Zvicër pritet të kërkojnë certifikatë Covid

Deri tani tri universitete zvicerane do të kërkojnë certifikatë Covid në kampus

Instituti Federal Politeknik i Lozanës (EPFL) ishte i pari që shpalli kërkesën për certifikatë, i ndjekur nga Universiteti i Neuchâtel dhe Universiteti i Lozanës, transmeton albinfo.ch.

Të tri shkollat vendosën të marrin këto masa pasi Këshilli Federal autorizoi universitetet të bëjnë certifikatën Covid të detyrueshme për qasje në kurse dhe aktivitete kërkimore.

Certifikata nuk do të kufizojë kapacitetin e dhomave dhe auditorëve. Për studentët që nuk do të jenë më në gjendje të vijnë në vend, mësimet do të regjistrohen.

Së shpejti, pritet që edhe unvisersitetet e tjera në këtë shtet të ndjekin plan-programin, sikurse univeristetet e lartpërmendura.

Arsyeja e kësaj, përveç tjerash, është edhe mësimi dhe ligjëratat ballëpërballë janë më cilësore dhe prodhojnë më shumë produktivitet në të nxënit e mësimit.

Theksohet se kushdo që nuk ka certifikatë Covid, mund të ndjekë ligjëratat online. /Albinfo.ch

 

 

---