Protesta e PD-së, policia bllokon disa nga rrugët kryesore të qytetit

Përkrahësit e Sali Berishës thyejnë derën e selisë së PD-së dhe hyjnë brenda

Protesta e ish-liderit demokrat Sali Berisha dhe mbështetësve të tij ka nisur me trazira dhe përplasje në ambientet e selisë blu.

Video

https://video.gjirafa.com/0-02-0a-a5527db6dae9ced1cfc46120448411cee6f631654e55a329415d7c2a4a117df6-26a73936f4e-mp4

Për të shmangur incidentet, Policia njofton devijimin e trafikut dhe bllokimin e disa segmenteve rrugore.

Segmentet rrugore që tashmë janë  të bllokuara:

– Rruga nga Toptani deri te Parlamenti,

– Rruga “George Bush”

– Bulevardi Zhan D’Ark

Policia apelon të gjithë qytetarët që të shmangin lëvizjen në këto akse rrugore.

Pas dy orëve protestuesit kanë arritur të thyejnë derën kryesore të selisë së PD-së. Ata janë futur në hollin e katit të parë me thirrjet “Liri Demokraci”.

Protesta ka filluar nga ora 12:00 para selisë së PD, me qëllimin për të hapur dyert e “shtëpisë së demokratëve”, sikurse ka premtuar ish-kryeministri. Kjo protestë vjen pas nuk u respektua 5 janari, afati që ai i kishte lënë Bashës për të liruar selinë, gjë e cila nuk ndodhi.

Berisha premtoi dje se protesta do të jetë paqësore, e nuk do të preket asnjë punonjës i PD-së, por nga ana tjetër, Basha flet për skenare dhune me banditë e kriminelë.

Megjithatë Basha ka thënë se janë gati për çdo gjë, ndërsa masa ka marrë edhe Kryeministria, duke ‘blinduar’ derën kryesore ashtu si kurse është bërë në çdo protestë të së shkuarës. Basha ka thënë se ditën e sotme ai do të vijojë si normalisht punën e tij dhe se e vetmja betejë për të është ajo kundër ‘regjimit të Ramës’.

---