Arrestohet një shtetas i Turqisë në aeroportin e Prishtinës

Prezantoi leje-qëndrim të falsifikuar

Në raportin e fundit të lëshuar nga Policia e Kosovës thuhet se është arrestuar një shtetas i Turqisë në Aeroportin Ndërkombëtar të Prishtinës “Adem Jashari”, përcjell albinfo.ch.

Kjo nën dyshimin se i njëjti ka prezantuar një lejeqëndrim të falsifikuar të Belgjikës.

I dyshuari me urdhër të prokurorit të shtetit është dërguar në procedurë të përshpejtuar në gjykatë.

“ANP Adem Jashari 21.01.2022 – 10:30. Është arrestuar i dyshuari mashkull, shtetas i Turqisë, pasi që ka prezantuar një leje qëndrimi të Belgjikës, e cila dyshohet se mund të jetë e falsifikuar, dokumenti është sekuestruar për ekzaminim dhe procedura të mëtutjeshme. Në lidhje me rastin është konsultuar prokurori i shtetit, me urdhër të të cilit i dyshuari në procedurë të përshpejtuar është dërguar në gjykatë”, thuhet në njoftim.

---