BAG heq dorë nga fushata e planifikuar për vaksinën e tretë

Para fillimit të fazës së dytë të fushatës, u konstatua “se ajo nuk do të ishte efektive në formën e planifikuar dhe për rrjedhojë nuk do të realizohej”

Faza e dytë e planifikuar e fushatës për vaksinimin përforcues (të tretë) nuk do të ndodhë. Zyra Federale e Shëndetit Publik (BAG) ka vendosur të mos e bëjë këtë fushatë dhe si arsye merr përhapjen shumë të shpejtë të variantit omicron, transmeton albinfo.ch.

E pyetur nga Agjencia e Lajmeve Keystone-SDA, BAG ka konfirmuar një raport përkatës të publikuar nga blick.ch. Për shkak të variantit omicron dhe përhapjes së tij shumë të shpejtë, autoriteti i shëndetit publik është ndier i detyruar të bënte përshtatje planesh në një kohë edhe më të shkurtër dhe në një mënyrë më fleksibël.

Për këtë arsye, para fillimit të fazës së dytë të fushatës, u konstatua “se ajo nuk do të ishte efektive në formën e planifikuar dhe për rrjedhojë nuk do të realizohej”.

Faza e parë e fushatës përfundon në fund të javës. Në qendër të kësaj ishte një video shpjeguese në faqen e internetit të BAG, transmeton albinfo.ch. Duke përdorur fragmente nga kjo për të reklamuar vaksinimin përforcues BAG ka bërë fushatë në kanale të ndryshme të mediave sociale që nga 19 janari.

---