Gjermania mbështet të rinjtë në Shqipëri

Shteti gjerman mbështet të rinjtë shqiptarë në rrugën e tyre drejt një të ardhmeje të suksesshme profesionale në vendin e tyre, përcjell albinfo.ch.

Për këtë qëllim „Regional Challenge Fund“ vë në dispozicion 2.4 milionë euro nga fondet e Qeverisë Federale nëpërmjet KfW-së për të mbështetur gjashtë konsorciume për trajnimin profesional të të rinjve në Shqipëri, të cilët në një thirrje të parë ishin në gjendje të bindin jurinë me projektet e tyre.

Judith Hoffmann, përgjegjëse për Bashkëpunimin për Zhvillim në Ambasadën Gjermane në Tiranë, u shpreh: “Në kuadër të bashkëpunimit shumëvjeçar me Shqipërinë, Qeveria Federale e Gjermanisë po i kushton vëmendje të veçantë fushës së formimit profesional dhe rritjes së qëndrueshme të vendeve të punës. Situata në vendet e Ballkanit Perëndimor është paradoksale: nga njëra anë, papunësia e të rinjve është e lartë. Nga ana tjetër, ka një kërkesë në rritje për punëtorë të kualifikuar. Një faktor kryesor për këtë mosbalacë ndërmjet kërkesës dhe ofertës në tregun e punës janë sistemet arsimore, të cilat nuk janë përshtatur ende mjaftueshëm me nevojat e një sektori privat në zhvillim”.