Shqipëri, sot nis fushata zgjedhore

Keystone (AP Photo/Visar Kryeziu)

Kjo e shtunë shënon nisje zyrtare të fushatës elektorale për zgjedhjet e pjesshme lokale të 6 marsit në Shqipëri, përcjell albinfo.ch.

Thuhet se zgjedhjet do të mbahen në 6 bashki të vendit, përkatësisht në Shkodër, Dibër, Durrës, Vorë, Rrogozhinë dhe Lushnje.

Data për nisjen e fushatë u vendos nga KQZ-ja, me propozim të Komisionerit Shtetëror të Zgjedhjeve, Ilirjan Celibashi, shkruan ora news

Në garë për zgjedhjet e 6 marsit janë 20 kandidatë për kryetar bashkie, ndërkohë që këto zgjedhje do të kushtojnë 180 milionë lekë.

Sipas KQZ-së, në 6 bashkitë janë të regjistruar 648.536 zgjedhës, do të ketë 13 KZAZ dhe 940 Qendra Votimi.