Më pak apartamente me qira, çmime më të larta dhe asnjë lirim

(KEYSTONE/Gaetan Bally)

Numri i ndërtimeve të reja nuk përputhet me rritjen e popullsisë së Zvicrës dhe kërkesën përkatëse për më shumë banesa, sipas të dhënave të reja të publikuara nga banka Raiffeisen.

Në të gjithë vendin, shkalla e vendeve të lira të banesave ishte 1.25 për qind në qershor të këtij viti, nga 1.54 për qind në të njëjtën kohë në vitin 2021, tregon hulumtimi, përcjell albinfo.ch.

Banka arrin në përfundimin se “oferta e bollshme e vërejtur gjatë dhjetë viteve të fundit po gërryhet me shpejtësi, duke rezultuar në një rritje të çmimeve të qirave”.

Për t’i përkeqësuar gjërat për kërkuesit e apartamenteve, “ky është vetëm fillimi”, paralajmëroi Raiffeisen, duke shtuar se shkaqet e kësaj situate lidhen me rritjen e popullsisë, përfshirë emigrantët e sapoardhur.