Qeveria zvicerane të ndihmojë bizneset për krizën energjitike

Pixabay photosforyou Deutsch

E majta dhe e djathta kanë vizion të përbashkët për politikën energjetike.

Nuk ndodh shpesh që grupet e biznesit dhe partitë e majta të shohin sy për sy në çështjet politike, por kjo po ndodh në Zvicër tani, përcjell albinfo.ch.

Në atë që media zvicerane e quan “një aleancë të panatyrshme”, Partia Social Demokratike dhe EconomieSuisse, e cila përfaqëson interesat e biznesit, po i kërkojnë Këshillit Federal të kompensojë kompanitë për humbjet financiare në rast se mungesa e gazit ose e energjisë elektrike redukton produktivitetin e tyre.

Nëse qeveria nuk mund të sigurojë furnizim të mjaftueshëm me energji për të mundësuar që bizneset të funksionojnë normalisht, ajo duhet t’i paguajë kompanitë që t’i vendosin punonjësit e tyre në papunësi të pjesshme, siç bënë shumë gjatë pandemisë Covid, tha EconomieSuisse.

Edhe për socialistët, qeveria duhet të kompensojë të gjitha kompanitë që do të shihnin rënien e aktivitetit të tyre tregtar me të paktën 15 për qind.