Atletja shqiptare Luiza Gega shpallet kampione evropiane

Gega është shpallur kampione evropiane në vrapimin 3000 metra me pengesa

Atletja Luiza Gega ka fituar medaljen e artë në Kampionatin Evropian që po mbahet në Munih të Gjermanisë, duke shënuar kështu suksesin e saj më të madh sportiv deri më tani, por edhe suksesin më të madh të atletikës shqiptare.

Gega është shpallur kampione evropiane në vrapimin 3000 metra me pengesa, raporton Albinfo.ch.

Atletja 33 vjeçare ka arritur në finish për 9 minuta, 11 sekonda e 31 të qindëtat, duke vendosur kështu rekord të kampionatit evropian.

Medalja e argjendtë i ka takuar gjermanes Lea Meyer, ndërsa të bronztën e fitoi britanikja Elizabeth Bird.

Rezultatin e Luiza Gegës e ka përshëndetur edhe kryeministri shqiptar, Edi Rama, duke e quajtur “kulm” fitoren e saj.

“Kyyyy është kuuuulmiiiii. Bravoooooo Luizaaaa, bravooooo Kampiooooone. E paepura Luiza Gega kampione e Europës në 3000 metra me pengesa. Askush më parë s’ia ka dalë të ngjisë majën e Europës me flamurin kuqezi në pistën e atletikës”, ka shkruar Rama./Albinfo.ch/

---