Kosovë: Kërkesa për shtrenjtimin e energjisë deri në 88 për qind

@pixabay

Kompania Kosovare për Furnizim me Energji Elektrike (KESCO) ka dorëzuar më 12 gusht në Zyrën e Rregullatorit të Energjisë (ZRRE) një propozim për tarifa të reja të energjisë elektrike, i cili do të shtrenjtonte rrymën deri në 88 për qind për amvisëritë dhe deri në 70 për qind për bizneset.

Ndërkohë, vendimi i ZRRE-së lidhur me këtë kërkesë të KESCO-s pritet të merret brenda 20 ditëve të punës.

Sipas REL, tarifa e ulët për konsumatorët që shpenzojnë nën 800 kilovat në orë, nga 2.89 centë është propozuar të bëhet 5.43, ndërsa tarifa e lartë nga 6.75 në 12.86 centë.

Ndërkaq, për konsumatorët që shpenzojnë mbi 800 kilovatë, KESCO ka propozuar që tarifa e ulët nga 5.90 centë të rritet në 11.09 centë, derisa tarifa e lartë nga 12.52 centë në 23.53 centë.