Arxhent Gashi, një nga afaristët më të rinj në Austri

Arxhent Gashi ka migruar në Austri në vitin 2005. Për 15 vjet ka punuar në kompaninë “IAT GmbH” duke kryer punë të izolimeve. Tashmë, ai me shumë sukses po udhëheq firmën e tij “Gashi Isolirungs & Abdichtungstechnik”

Është një nga afaristët më të rinj shqiptarë në Austri. Ndonëse nuk ka më shumë se një vit që ka hapur firmën e tij, ai ka përvojë mbi 15- vjeçare në zanatin e izolimeve të objekteve ndërtimore.

Bëhet fjalë për Arxhent Gashin, i cili në Baden të Austrisë me shumë sukses po menaxhon firmën “Gashi Isolirungs & Abdichtungstechnik”. Ai operon në Baden, Vjenë dhe shumë qytete të tjera të Austrisë.

Arxhenti është nga fshati Sferrkë, komuna e Klinës, ndërsa ka migruar në Austri në vitin 2005.

Kompania e tij është duke ecur mirë. Ai ka punësuar 8 punëtorë, shumica prej të cilëve shqiptarë.

“Ne merremi konkretisht me izolime të objekteve ndërtimore, me ndërtime të ulëta dhe të larta. P.sh: izolime të bodrumeve, izolime të tarracave, ballkone, çati, hidroizolime etj. Po ashtu bëjmë dysheme me “epoxidharz” p.sh: dysheme për garazhe, tarraca ballkoni, parkime etj.”, thekson ai për albinfo.at.

Bashkëpunon me kompanitë më të njohura austriake dhe shqiptare

Edhe pse firmë e re, kompania “Gashi Isolirungs & Abdichtungstechnik” ka arritur të bashkëpunojë me firma shumë të njohura austriake.

“Kemi bashkëpunime me firmat më të mëdha austriake, afërsisht me 25 firma, ndërsa do ta veçoja bashkëpunimin shumë të mirë dhe të suksesshëm me kompaninë “PORR”, e cila është një nga më të njohurat në fushën e ndërtimtarisë në Austri”, thotë Arxhenti.

“Përveç kompanive austriake, kemi bashkëpunime edhe me firmat shqiptare, ndërkohë dua ta veçoj firmën “IAT GmbH” të vëllezërve Basri dhe Esat Miftaraj. Në këtë firmë kam punuar për 15 vjet dhe ishte kjo firmë që më mësoi këtë profesion, prandaj, duke treguar sukseset e mia në këtë firmë, arrita të hap edhe firmën time”, nënvizon ai.

Qëllimi i Arxhentit për të ardhmen është që të zgjerohet edhe më shumë me kompaninë e tij, duke shtuar numrin e të punësuarve, ndërkohë në synimet e tij është që të krijojë edhe një firmë në Kosovë për të hapur vende të reja të punës.

Box

Me çfarë merret “Gashi Isolirungs & Abdichtungstechnik”

“Ne merremi konkretisht me izolime të objekteve ndërtimore, me ndërtime të ulëta dhe të larta. P.sh: izolime të bodrumeve, izolime të tarracave, ballkone, çati, hidroizolime etj. Po ashtu bëjmë dysheme me “epoxidharz” p.sh: dysheme për garazhe, tarraca ballkoni, parkime etj”.

---