Shqipëria, gati të lëshojë dy satelitë në hapësirë

Satelitët e ALBANIA 1 dhe ALBANIA 2 do të jenë pjesë e hapësirës satelitore dhe janë gati për t’u lëshuar në hapësirë nga Kennedy Space Centre

Kryeministri i Shqipërisë, Edi Rama, ka njoftuar se dy satelitët që do të monitorojnë Shqipërinë nga lartësitë, me një precizion të lartë dhe qartësi të plotë figure, janë gati për t’u lëshuar në hapësirë nga Kennedy Space Centre

“Gati për t’u lëshuar në hapësirë nga Kennedy Space Centre në Florida të SHBA-së, dy sytë superteknologjikë që do të monitorojnë Shqipërinë nga lartësitë, me një precizion të lartë dhe qartësi të plotë figure deri në 75 cm2; Satelitët e ALBANIA 1 dhe ALBANIA 2. Shqipëria do të ketë përdorim ekskluziv të tyre, për përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj, e një sërë institucioneve e subjekteve, publike ose private, puna e të cilave lidhet me territorin, ujërat, pyjet, zjarret, mbetjet urbane, prodhimin bujqësor, zhvillimin urban, titujt e pronësisë, e me radhë”, shkruan Rama në Facebook.

 

---