Sali Berisha dhe Ilir Meta, krah njëri-tjetrit në protestë

Secilii nga selitë e tyre, Sali Berisha dhe Ilir Meta, iu drejtuan protestuesve për t’u bashkuar në bulevardin Dëshmorët e Kombit, përcjell albinfo.ch.

I pari që la selinë blu ishte ish-kryeministri Berisha, i cili ndryshe nga herët e tjera, fjalimet politike nuk i bëri për mediat, po la t’u drejtohet protestuesve nga podium i vendosur para kryeministrisë.

Sakaq aleati i tij në opozitë e konsideroi këtë një ditë të jashtëzakonshme, ndërsa foli për një protestë paqësore.

“Një ditë e jashtëzakonshme. Ju e shikoni sa paqësore është atmosfera. Nuk ka asnjë rëndësi, Rama ka qindra udhëtime me charter, vjedh çdo sekondë shqiptarët pa qenë nevoja të jetë në Shqipëri. Është urgjente largimi dhe shporrja e tij.

Si mund të bëhet kjo pyetje për një njeri që ka bërë të kundërtën e çdo premtimi, si mund të kesh një raport me një njeri që i ka vënë kazmën demokracisë. Poshtë zyrës së tij dalin fëmijët, prindërit, 105 mijë biznese kanë falimentuar. Protesta dhe zgjedhje, kjo është një pranverë demokratike që nuk ndalon.

Qytetarët janë të ndërgjegjshëm që ky është vendi i tyre dhe kryeministria, Parlamenti, e gjithçka u takon atyre. Edhe bashkia shumë shpejt do u kthehet atyre. Nuk jemi të shqetësuar, jemi të bindur në mbarëvajtjen e kësaj proteste”, u shpreh Meta.