Ndalohen ‘Fan Zone’ edhe në Cyrih

Nuk do të ketë asnjë vend për t’i shikuar ndeshjet e Botërorit në qytetin e Cyrihut

Qyteti i Cyrihut ka ndaluar të gjitha shikimet publike të Kupës së Botës në shenjë proteste ndaj turneut që po mbahet në Katar.

Por me të vërtetë prek vetëm një vend – dy të rinj kishin planifikuar një tendë dhe një ekran të madh që nga vera në lagjen 4 të Cyrihut.

Emmanuel Charles dhe Hasan Sunbül thonë se kanë qenë në kontakt me qytetin prej muajsh. Ata kishin rregulluar edhe kamionë me ushqime.

Ata pretendojnë se në asnjë moment autoritetet nuk sugjeruan se nuk do të lejoheshin të mbanin ngjarjen e tyre. Ata kanë bërë paradhënie dhe besojnë se do të humbasin 50,000 CHF, shkruajnë mediat zviceranë, përcjell albinfo.ch.

---