Së shpejti pritet rritje pagash për punëtorët e ndërtimit në Zvicër

Tani topi është në duart e përfaqësueseve të kompanive të ndërtimit, të cilët do të shqyrtojnë marrëveshjen më 13 janar

Marrëveshja e re kornizë në nivel kombëtar në sektorin e ndërtimit zviceran është gati për t’u lidhur. Në fund të nëntorit, shoqata e kompanive të ndërtimit dhe sindikatat kishin arritur një marrëveshje pas negociatave të vështira, trasnmeton albinfo.ch.

Të shtunën, (sot) punëtorët e deleguar të ndërtimtarisë kanë miratuar rezultatin e marrëveshjes në fjalë, në dy konferenca, shkruan srf.ch. Këtë e kanë bërë të ditur sindikatat Unia dhe Syna.

Tani topi është në duart e përfaqësueseve të kompanive të ndërtimit, të cilët do të shqyrtojnë modalitetet e marrëveshjes më 13 janar të vitit të ardhshëm.

Nëse bien dakord, punëtorët e ndërtimit do të marrin 150 franga shtesë në muaj, përcjell albinfo.ch. Edhe paga minimale do të rritet me 100 franga me kontratën e re.

---