Shteti që synon të ndalojë duhanin për brezat e ardhshëm

Photo Gerd Altmann

Zelanda e Re ka miratuar një plan unik për të hequr dorë nga pirja e duhanit për brezin e ardhshëm, duke vendosur një ndalim të përjetshëm për të rinjtë që blejnë cigare.

Ligji thotë se duhani nuk mund t’i shitet askujt që ka lindur më ose pas 1 janarit 2009 – dhe tani e tutje, mosha minimale për blerjen e cigareve do të vazhdojë të rritet.

Teorikisht, dikush që përpiqet të blejë një paketë cigare pas 50 vjetësh do t’i duhet ID për të treguar se ishte të paktën 63 vjeç. Por autoritetet shëndetësore shpresojnë se pirja e duhanit do të zhduket shumë më parë. Ata kanë një qëllim të deklaruar për ta bërë Zelandën e Re pa duhan deri në vitin 2025, përcjell albinfo.ch.

Ndjenja e vetmuar dhe e dëshpëruar mund të përshpejtojë plakjen më shumë se pirja e duhanit, zbulon studimi.

“Nuk ka asnjë arsye të mirë për të lejuar që të shitet një produkt që vret gjysmën e njerëzve që e përdorin atë”, u tha ligjvënësve në Parlament zëvendësministri i Shëndetësisë, Dr. Ayesha Verrall. “Dhe mund t’ju them se ne do t’i japim fund kësaj në të ardhmen, pasi ta kalojmë këtë legjislacion”.

Zelanda e Re nuk është i vetmi komb që kërkon të ndalojë duhanin për brezat e ardhshëm. Në qershor, një raport i porositur nga qeveria e Mbretërisë së Bashkuar rekomandoi rritjen e moshës së ligjshme të pirjes së duhanit çdo vit për të hequr dorë nga përdorimi i duhanit tek të rinjtë, përcjell tutje albinfo.ch.