Messi, a do të fitojë trofeun që i mungon?

Lionel Messi ka fituar shumë trofe në karrierën e tij. Por, një i mungon

Lionel Messi është shtatë herë fitues i Topit të Artë. Një rekord botëror. Shumë thonë se është futbollisti më i mirë i të gjithë kohërave, shkruan albinfo.ch.

Ka fituar Kampionatin e Amerikës me Argjentinën, pesë herë Ligën e Kampionëve. Ka thyer shumë rekorde me gola, asistime e paraqitje me klubin dhe kombëtaren.

Në këtë Botëror është bërë shënuesi më i mirë i Argjentinës dhe gjithashtu argjentinasi me më shumë paraqitje në Kampionate Botërore.

Por, një trofe i mungon. Pikërisht Kupa e Botës, ku sonte zhvillohet finalja mes Argjentinës dhe Francës nga ora 16:00. Kjo njëkohësisht do të jetë sfida e fundit për Messin në Botërore.

Miliona adhurues në botë duan që Argjentina të fitojë Botërorin, për shkak të Messi, një magjistar që i ka dhuruar shumë futbollit. Sonte është rasti i tij i fundit për të fituar Botërorin dhe për të kurorëzuar një karrierë që nuk e ka pasur askush deri më tani.

---