Mannheim: Fëmija i parë i lindur më 2023, me origjinë shqiptare

Keystone

Në Mannheim të Gjermanisë fëmija i parë i lindur në vitin 2023 është me origjinë shqiptare, transmeton albinfo.ch. Fjala është për vogëlushen me emrin Asia e cila është bebja e parë  e lindur në natën e ndërrimit të viteve në qytetin Mannheim.

Ndërsa në Itali, në sallën e lindjes në San Giuseppe di Empoli në orën 2.10 të datës 1 janar, lindi Sole me prindër nga Shqipëria dhe banorë të Larcianos, në Gjermani, konkretisht në Mannheim lindi Asia nga prindërit Ishe dhe Fatos Balliu.

Sipas mediave gjermane, bebja erdhi në jetë dy javë më herët nga sa ishte parashikuar për të ardhur, teksa peshon 3470 gramë dhe është 51 centimetër, shkruan mannheim24.de.

Sole dhe Asia tregojnë se ndonëse në Shqipëri numri i lindjeve ka rënë, në vendet e mëdha të Bashkimit Evropian fëmijët e parë që kanë lindur për vitin 2023 janë shqiptarë.