Shqipëria shënoi rekord turistësh gjatë 2022-ës, 1.9 milionë më shumë se në vitin 2021

@pixabay

Viti 2022 shënoi rekord për sa i përket turizmit krahasuar me vitet paraprake. 7,5 milionë turistë të huaj kanë vizituar Shqipërinë gjatë vitit 2022. Këtë e ka bërë të ditur ministrja e Turizmit dhe Mjedisit të Shqipërisë, Mirela Kumbaro.

Sipas saj, vizitorët e huaj që i besuan Shqipërisë pushimet e tyre ishin 1,9 milionë më shumë se viti 2021 dhe 18% më shumë se viti 2019 që deri tani mbante rekordin, përcjell albinfo.ch.

“85% më shumë vizitorë nga Anglia; 3,7 herë më shumë vizitorë nga Spanja; 2 herë më shumë vizitorë nga Sllovenia; 3 herë më shumë vizitorë nga Holanda; 84% më shumë vizitorë nga Turqia; 2 herë më shumë nga vendet nordike; e sigurisht mysafirët nga Kosova që janë shtylla jonë më e fortë e kemi detyrimin më të madh për t’u ofruar cilësinë maksimale në shërbim”, shkruan Kumbaro.

Rritje kishte edhe nga turistët nga Ballkani, si nga Maqedonia e Veriut dhe Mali i Zi, por edhe mbi 50% rritje kanë pasur flukset nga Rumania, Kroacia apo Bullgaria.