Arlinda Rushiti rikthehet për të përfaqësuar Kosovën në tenis

Tenistja shumë e talentuar, Arlinda Rushiti, që është e renditur në pozitën 398 WTA Ranking, rikthehet për ta përfaqësuar tenisin kosovar. 23-vjeçarja Rushiti kthehet të përfaqësojë Kosovën në BJC Cup pas 4 vjetësh dhe pas tjekalimit të të gjitha pengesave të të kaluarës, përcjell albinfo.ch.

Rikthimi u arrit pas kërkesës dhe insistimit të vazhdueshëm të Kryetarit të FTK-së, Jeton Hadërgjonaj, dhe me mirëkuptim të menaxherit dhe sponsorit të saj, Kadri Bajrami.

Arlinda Rushiti për tre vjet (2017-2019) të përfaqësimit të Kosovës në BJC Cup që është Kampionati Botëror i Tenisit, i ka arritur 10 fitore në single dhe 3 në double, duke i sjellë Kosovës shumë fitore ndaj shteteve të forta në tenis. Në atë kohë Arlinda kishte një renditje në vendin 750 WTA.

Me renditjën e tashme 398 WTA dhe me moshën e re që e ka, Arlinda Rushiti me ekipin e saj dhe me ndihmën e sponsorëve e të Ministrisë së Sportit synon të arrijë majat e tenist botëror. Arlinda është shumë afër kualifikimit për në Grand Slam dhe në Lojëra Olimpike.

Në muajin prill në Portugali Arlinda Rushiti do të e prezentojë Kosovën në grupin Europa/Afrika II të BJC Cup.