Kosovë: 20-vjeçarja dyshohet se mashtroi personelin shëndetësor, bëri praktikë si mjeke

(KEYSTONE/Jean-Christophe Bott)

Një 20-vjeçare nga Mitrovica dyshohet të ketë mashtruar gjithë personelin shëndetësor, duke zhvilluar praktikën si mjeke në QMF të Mitrovicës.

Muaj më parë ajo u bë është lajm në disa portale se ka fituar të drejtën e specializimit në Londër.

Nga Drejtoria e Qendrës Kryesore Familjare thonë se personi në fjalë ka nisur praktikën pa dijeninë e personelit shëndetësor, derisa është larguar pasi i janë kërkuar dokumentet përkatëse.

Muaj më parë, një vajzë e re nga Mitrovica, V.S. ishte bërë lajm në mediat lokale si mjeke, e cila fiton të drejtën e specializimit në Londër.

Në gusht të vitit 2022, ajo kishte nisur praktikën si mjeke në njërën nga Qendrat e Mjekësisë Familjare.

Por, pranë autoriteteve nuk kishte dorëzuar asnjë dokument që dëshmon shkollimin dhe profesionalizmin e saj

Për rreth 2 javë ajo ka vazhduar praktikën, ndonëse për një gjë të tillë personeli nuk ka qenë në dijeni dhe askush nuk ishte kujtuar për dokumentet e saj.

Drejtori i QKMF-së në Mitrovicë, Fevzi Sylejmani, e ka konfirmuar një gjë të tillë.